اسلام آباد 30 جنوری (اے پی پی)وزيراعظم محمد نواز شريف وئېلي دي چې د روغتيا معياري خذماتو ته رسنه د هر پاكستاني پیدائشي حق دې٬ ولې د كم قسمتۍ نه دوئي اوږدې مودې څخه خپل دې بنيادي حق څخه محروم ساتلې شوي۔ وزيراعظم د دې خيالاتو څرګندونه د ګل په ورځ په وزيراعظم هاؤس كښې د يوې غونډې مشري كولو په مهال وكړه كومه كښې چې وزيراعظم د قامي روغتيا پروګرام دائره د فاټا٬ګلګت بلتستان او آزاد جمو كشمير پشمول د هېواد تر ټولو برخو پراخا كولو سپارښتنه وكړه۔ وزيراعظم ووئيل د څارنې بايد سخت نظام مرتب كړی شي او د عملدرآمد په كچه دې د نااهلۍ په ضد سخته كاروائي وكړې شي۔غونډه كښې په قامي روغتيا پروګرام عملدرآمد كښې د شوي پیشرفت جاج واخستې شو۔وزيراعظم ووئيل د روغتيا معياري او ارزان خذمات ترلاسه كولو سره قام په اقتصادي او سماجي محاذونو خپل بشپړ صلاحيت او مقصدونه ترلاسه كولې شي۔ده ووئيل مونږ د روغتيا د خذماتو د بشپړ پېكج د لارې غريب اولس ته آسانۍ وركول غواړو ولې چې مونږ په دې خبره باور لرو چې بيمارۍ او بې وسي د كومې هم بې وسه كورنۍ لپاره ډېرې خطرناكې ثابتېدې شي۔وزيراعظم نېشنل هېلت سروس ته هدايت وكړو چې د دې پروګرام دائره دې د فاټا٬ګلګت بلتستان او آزاد كشمير پشمول د هېواد تر ټولو سيمو پراخا كړې شي او د څارنې نظام دې سخت كړې شي او د عملدرآمد په لړ كښې د نااهلۍ په ضد دې سخته كاروائي وكړې شي۔ده ووئيل وفاقي حكومت به په ټول هېواد كښې په دې پروګرام عملدرآمد كوي ولې چې د خېبرپښتونخوا او د سندھ لرې پرتې سيمې رنځونو سره مخ دي او په دې سيمو كښې د بې وسۍ په سوب اولس درملنې كولې نه شي۔وزيراعظم ووئيل حكومت به د سركاري وسيلو پرله پسې رسنې لپاره په دې پروګرام عملدرآمد باوري كوي۔په دې تاريخي پروګرام كښې په مرسته كولو د نادرا او سټېټ لائف انشورنس كارپورېشن آف پاكستان كردار ستائېلو سره وزيراعظم د روغتيا نړيوالې ادارې٬نړيوال بانك او د جي آئي زيډ پشمول د قامي روغتيا پروګرام تنكنيكي شريكوالو هم مننه وكړه۔غونډه كښې د نېشنل هېلت سروسز دوهمې وزيرې سائره افضل تارړ٬مريم نواز شريف٬د وزيراعظم د خارجه چارو خاص مرستيال طارق فاطمي او نورو اعلٰی سركاري چارواكو ګډون وكړو۔د وزيراعظم د قامي روغتيا پروګرام اسلام آباد٬كوئټې٬لسبيله٬لورالائي٬مظفرآباد٬كوټلي٬سكردو٬ ديامير٬رحيم يار خان ٬خانيوال او ناروال كښې پیل شوې او تر دې دمه 8 لكه څخه زياتې كورنۍ رجسټرډ شوي دي او د بېلو رنځونو 12 زره څخه زياتو كسانو علاج شوې۔د وزيراعظم د هدايت ترمخه د دې پروګرام دائره به د هېواد تر ټولو سيمو پراخا كولې شي او بې وسه كسانو ته به د وړيا درملنو آساني وركولې شي
د قامي روغتيا پروګرام دائره دې د فاټا٬ګلګت بلتستان او آزاد جمو كشمير پشمول د هېواد تر ټولو برخو پراخا كړې شي
مضمون کا ماخذ : نقدی پھٹنا
متعلقہ مضامین
