کراچی۔9مارچ(اے پی پی)وزیراعظم عمران خان آکھیے جو 30 سال تئیں ملک دی رت پیوݨ آلا چور??ں دا ٹولہ میݙے خلاف کٹھا تھی ڳئے، اے ملک نئیں اپݨے آپ کوں بچاوݨ نکلیے ہوئن، اساں رل تے انہاں کوں توڑ پچیسوں اتے تحریک عدم اعتماد چور ڈاکو ٹولے دی سیاسی موت ثابت تھیسی، اپوزیشن ساݙے ارکان اسمبلی کوں ملھ ڳھنݨ اچ ردھے ہوئن، پاکستان سارے ڄڳ نال دوستی چاہندے، جیکر کوئی امن کیتے آیا تاں ضرور نال تھیسوں بھل جنگ اچ کہیں دے نال نسے۔ اے ڳالھ انہاں گورنر ہائوس کراچی اچ تحریک انصاف دے کارکناں نال خطاب اچ آکھی۔ انہاں آکھیا جو ساݙے لوکاں ریکارڈ ٹیکس ݙتن تہوں ریلیف وی ݙتے نتاں پورے ڄڳ اچ تیل مہانڳا تھیندا پئے، حکومتی اقدامات نال اڄ برآمدات، ٹیکس وصولی اتے ترسیلات زر ملکی تاریخ اچ بلند ترین سطح تے ہین، پچھلے چار سال اچ فصل??ں دی ریکارڈ پیداوار تھئی اے، ملک صحیح سمت اچ ویندا پئے تہوں اے لوک عدم اعتماد دی آدر اچ ہین، انہاں کوں ݙر اے جیکر اے حکومت ہر اوکھ توں نکل ڳئی تاں ساݙا کیا تھیسی، ملک ݙیوالہ تھیوݨ آلا ہا ٻھل اساں آن سنٻھالیے۔ اپوزیشن عدم اعتماد دی تحریک جمع کرا تے او کم کیتے جینداں میں دعائیں منڳدا ہم جو ” گیدڑ دی ڄݙاں موت آندی اے تاں او شہر دو منہ کریندے، انہ??ں دا حال وی ایہو تھیوݨ آلا اے۔ وزیراعظم آکھیے جو چنڳاں کپتان ہر شے دی پہلے منسؤبہ بندی کریندے جو کامیابی کیویں ملسی؟ انہان ݙاکواں چوران دے خلاف 25 سال توں لڳا ہویاں اے سیاست نئیں جہاد اے جیڑا اساں رل تے کرݨے، اے روز احتجاج، مارچ اتے تحریکاں ڳھن آندن اتے آپ ملک دا مال لٹ تے بیرون ملک ونڄ لکیندن، پہلے میݙے ہتھ ٻڈھے ہن ٻھل ہݨ میں انہاں کوں نہ چھڑیساں، میݙا پہلا نشانہ آصف علی زرداری ہوسی جیڑھا او ظالم اے جو پولیس کوں بندی ٻݨا تے رکھدے، کمیشن کھاندے، پورے ڄڳ اچ مال لکیندے، زرداری تیݙی واری آڳئی اے جو جناب پیسے دیاں ٹوکریاں ڳھن تے میݙے ارکان اسمبلی دے پ??ھو درکدے ودن، میں آکھیے جو اے ھرام دا پیسہ ڳھن ڳھنو اتے کہیں یتیم خانے اتے غریب دے کمیں لائو۔ وزیراعظم زرداری کوں بیماری، شہباز کوں شوباز تے بوت پالیشیا قرا?? ݙیندے آکھیے جیکر انہاں کوں عدالت سݙے تاں مچلے ٻݨ تے بیمار ٻݨ ویندن، انہاں توں پیسہ ولا کݙھ تے بجلی اتے تیل دا ملھ ٻیا ڳھٹیساں اتے تیکھے اتے جیل اچ ہوسن۔ وزیراعظم اکھیے جو فضل الرحمن وی انہان دے نال رلیا ہوئے جیندے بغیر کہیں کاروبا?? دے ارباں روپے دے اثاثے ہین، جیکر نیب سݙے تاں مولا?? اہدے جو 10 ہزار طلبہ ڳھن آساں، اے ݙو ہزار بندے کٹھے کریسن تاں میں انہ??ں دے پ??ھو ہک لکھ کارکن ڳھن آساں، انہ??ں دے خلاف جنگ کلہی عمران خان دی نئیں ہک ہک ٻال دی اے جیڑھی اساں رل تے ٻھڑسوں اتے انہاں کوں توڑ پچیسوں جیڑھے کݙاھیں وی ملکی مفاد کیتے کٹھے نئیں تھئے۔
ملک دی رت پیوݨ آلا چوراں دا ٹولہ میݙے خلاف کٹھا تھی ڳئے، تحریک عدم اعتماد چور ڈاکو ٹولے دی سیاسی موت ثابت تھیسی، وزیراعظم عمران خان
مضمون کا ماخذ : ہرکیولس اور پیگاسس
متعلقہ مضامین
