اسلام آباد 13 جولائي (اے پي پي) د وزيراعظم د اطلاعات او خپرونو خاص مرستيالې ډاكټر فردوس عاشق اعوان وئيلي دي عدالت ځواب وركولو لپاره مناسب فورم دے٬ د مسلم ليګ (ن) قيادت له د وركرز كنونشنز كارولو په ځائ عدالتونو كښې ځواب وركول پكار دې٬ شاهد خاقان عباسي پخپل مختصر دور كښې مزې چرچې كولې٬ هغه په دوو كالو كښې په 50 غېر ملكي دورو د قامي خزانې 147.8 مېليونه روپۍ څرخ كړې او خلقو ته ئې د 5.48 مېليونه روپو ټپس وركړي٬ د جج ارشد ملك بیان حلفي د اولس سترګو غړولو لپاره كافي دے چې څه رنګې دوي خلق پخپل دام كښې ګېروي٬ حكومت د سوداګرو سره په جائزو غوښتنو خبرو اترو له چمتو دے٬ زور زياتي او د سياسي مفاداتو له مخې خلقو لپاره زمونږ ترجيحات جلا جلا دي۔ د خالي په ورځ منصوبه بندۍ او پرمختګ وفاقي وزير مخدوم خسرو بختیار سره خبرې كنفرنس ته خپلې وېنا كښې ډاكټر فردوس عاشق اعوان ووئيل عدالتونه ځواب وركولو لپاره مناسب فورم دے او د مسلم ليګ (ن) قيادت د خپلو معاملو ځواب وركولو لپاره د وركرز كنونشنز كارولو په ځائ دې عدالتونو كښې ځواب وركړي۔ دې ووئيل د عدالتونو په ځائ نن پخواني وزيراعظم ورکرز کنونشز كښې په مټو رانغاړلو حكومت څخه ځواب غواړي۔ دخاص مرستيالې ووئيل شاهد خاقان عباسي پخپل مختصر دور كښې مزې چرچې كولې٬ هغه په دوو كالو كښې په 50 غېر ملكي دورو د قامي خزانې 147.8 مېليونه روپۍ څرخ كړې او خلقو ته ئې د 5.48 مېليونه روپو ټپس وركړي۔ د سندھ صورتحال پحقله ډاكټر فردوس عاشق اعوان ووئيل ځائي اولس اوس محسوس كړې چې بس كرپشن دوي ته د رامخې ته شوو مسئلو بنيادي سوب دے ۔ دې په ګهوټكي كښې د ضمني ټاكنو پحقله ووئيل سندھ انتظاميه دې په ټاكنو كښې د لاس وهنې نه لرې اوسيږي او بلاول دې په سندھ كښې د ساه وركوٶنكو ماشومان حالت ته پام لرنه وكړي۔ دې ووئيل د ګوند يو كانديد د پوليس په سرپرستۍ كښې ټاكنې كوي او ورته د اعلٰې وزير بشپړملاتړ ترلاسه دے او د دغې باوجود په مونږ د ټګۍ او مېنډېټ غلا كولو تورونه لګي۔ ډاكټر فردوس عاشق اعوان ووئيل كه چرې د حكومتي مشينرۍ كارولو باوجود د سندھ اولس ستاسو نه د خلاصي لوظ كړې نو بيا په نره مقابله وكړې ۔ د خواجه آصف پحقله دې ووئيل ھغوي د هېواد په دفاع٬ توان او خارجه وزير غوندې په مهمو چوكو پاتې شوې او يوې غېر ملكي كمپنۍ څخه ئې تنخا اخستې ٬ مونږ په دې لړ كښې داخله وزارت ته دا كېس رېفر كړې چې ھغه د دې كېس پلټنې وكړي۔ د يوې پوښتنې په ځواب دې ووئيل د جج ارشد ملك بیان حلفي د اولس سترګو غړولو لپاره كافي دے چې څنګه دوي خلق پخپل دام كښې ګېروي۔ د سوداګرو د هړتال په لړ كښې د يوې پوښتنې په ځواب خاص مرستياې ووئيل حكومت د سوداګرو سره په جائز غوښتنو خبرو له چمتو دے او زمونږ دروازې پرانستې پرتې دي خو زور زياتي او د سياسي مفاداتو له مخې خلقو لپاره زمونږ ترجيحات جلا جلا دي ٬ دې ووئېل تجارت سياست سره سموٶنكي سوداګرې دې د دې حربو نه لرې اوسيږي ٬ حكومت به په هېڅ صورت نه بلېك مېل كېږي ځكه چې دا هېواد د ټېكس نه غېر نشي چلېدې۔ د يوې پوښتنې په ځواب ډاکټر فردوس عاشق اعوان ووئيل پاکستان كښې د رائيو په اظهار بشپړه آزادي ده او وزيراعظم عمران خان هم د دې حق توثيق كوي٬ پېمرا لپاره كوډ آف كنډېكټ د تحريك انصاف حكومت نه دي جوړ كړې۔(ګ ل
عدالت ځواب وركولو لپاره مناسب فورم دے
مضمون کا ماخذ : سانتا کی جنگلی سواری۔
متعلقہ مضامین
