نیویارک۔21ستمبر (اے پی پی)وزيراعظم محمد شهباز شريف او موسمياتي بدلون لپاره د امريکې صدارتي استازې جان کيري د موسمياتي بدلون مسئلې حل کولو او د توان په اړه خبرې اترې مخ په وړاندې بوتللو ته اتفاق کړے۔ د دواړو لارښودو ترمينځه دا اتفاق د شورؤ په ورځ د ملګرو ملتونو د عمومي اسمبلۍ د 77مې غونډې په موقع ملاقات كښې راغلے۔ په ملاقات كښې وزيراعظم شهباز شريف د موسمياتي بدلون ستونزو په اړه اولسي شعور بېدارولو او د دې هواري له د جان كېري د خذمات ستائنه وكړه۔ وزيراعظم ووئيل د موسمياتي بدلونونو د لاسه راغلو سختو سېلابونو پاكستان ته زيات زيان رسولے ۔ وزيراعظم په پاكستان كښې د سېلاب ځپلو لپاره د امريكې د بېړنۍ مرستې مننه وكړه۔ ده د بحالۍ په عمل كښې د نړيوالې ټولنې لخوا د پرله پسې مرستې په حاجت زور هم راوړو۔ ده ووئيل په نړيوال ګرين هاؤس ګېس كښې د پاكستان برخه د يو فيصد نه هم كمه ده او سره د دې پاكستان د موسمياتي بدلونونو د لاسه تر ټولو زيات ځپلے كېدونكو 10 هېوادونو كښې شامل دے۔ ده ووئيل د سېلاب د لاسه 1400 نه زيات كسان مړه او 3 كروړه 30 لكه بې كوره شوي په كومو كښې چې 6 لكه نه زياتې اميدوارې مېرمنې هم شاملې دي۔ ده ووئيل په 40 لكه اېكړه ولاړ فصلونه له مينځه تللې ٬ د كلي والو سيمو د اولس روزګار ختم شوے ۔ په دې مهال جان كېري د پاكستان اولس او حكومت سره د يووالي څرګندونه وكړه او د سېلاب د لاسه په رامخې ته شوو ستونزو قابو موندلو له يۍ د امريكائي حكومت لخوا د پرله پسې ملاتړ پخلے وكړو۔ دواړو لارښودو د موسمياتي بدلون مسئلې حل کولو او د توان په اړھ د خبرو اترو مخ په وړاندې بوتللو ته اتفاق كړے
وزيراعظم شهباز شريف سره موسمياتي بدلون لپاره د امريكې استازي جان كېري ملاقات٬ موسمياتي بدلون او د توان په اړه خبرې اترې مخ په وړاندې بوتللو ته اتفاق
مضمون کا ماخذ : لاٹری کے عمومی نمبر
متعلقہ مضامین
