اسلام آباد 19 ستمبر (اے پي پي)د سېنېټ چيئرمېن محمد صادق سنجراني وئيلي چې د پاكستان او سعودي عربستان ترمينځه د ورورولۍ اړيكې په شريك باور او مينې اډانه لري٬په پاكستان كښې د اوسني بارانونو او سېلاب په مهال د سعودي عربستان لخوا په وخت مرسته د ستائنې وړ ده۔ د دې خيالاتو څرګندونه ده د سعودي عربستاان سفير نواف بن سعيد المالكي سره په خبرو كښې وكړې چا چې د ګل په ورځ په پارليمنټ هاؤس كښې ده سره ملاقات وكړو۔ په ملاقات كښې په دوه اړخيزه مرسته او په پاكستان كښې د اوسني بارانونو او سېلاب په صورتحال د خيالاتو څرګندونه وشوه۔ د سېنېټ چيئرمېن ووئيل چې خادم الحرمين الشريفين په هر سخت وخت كښې د پاكستان بشپړه مرسته او ملاتړ كړې۔د سېنېټ چيئرمېن د خادم الحرمين الشريفين لخوا په پاكستان كښې د اوسني بارانونو او سېلاب له امله په پیدا شوې صورتحال د يو والي او بشپړه مرستې مننه وكړه۔د سېنېټ چيئرمېن د سعودي سفير نواف بن سعيد المالكي هڅو ته پیرزوينې وړندې كړې او وې وئېل چې هغه په ذاتي توګه د سېلاب ځپليو سيمو دوره كړی او د ځپليو يې تسلي كړې۔ د سېنېټ چيئرمېن ووئيل چې په اداره جاتي كچه د پارليماني پلاوي په تبادلو كښې لا تندوالي ته اړتيا ده۔ ده ووئيل چې د سعودي عرب لخوا په پاكستان كښې پراخا سرمايه كاري په پاكستان د باور څرګندونه ده۔د ه زياته كړه چې د پاكستان د سېنېټ او د سعودي د شوریٰ كونسل ترمينځه په اداره جاتي مرسته لا پیشرفت پكار دې۔
محمد صادق سنجراني سره سعودي سفير نواف بن سعيد المالكي وليدل
مضمون کا ماخذ : آن لائن اور ایپلیکیشنز
متعلقہ مضامین
