اسلام آباد13اګست (اے پي پي) د اطلاعات او خپرونو وفاقي وزير چوهدري فواد حسېن وئيلي دي په كابل كښې يو داسې حكومت له خوښي لرو په كوم چې د افغانستان ټول ګوندونه او اولس متفق وي٬ د ناټو ځواكونو د وتلو نه پس افغان ملي اردو لكه د پاڼو رژېدلې، د افغانستان وضعې څخه پاكستان آغيزمن كېږي٬ د افغان مشتابه اثاثې او كورنۍ په بهر هېوادونو كښې دي او افغان اولس غربت او ستونزو سره مخ دے ، پاكستان د افغان كډوالو ماشومنو له سكالرشپس وركړي ٬ نزدې شپږ زره افغان زده كوٶنكي دا مهال په پاكستان كښې زده كړې كوي، پوهنتونونه په جديد ټېكنالوجۍ كښې مهم كردار لري، د آئي ټي او تعليم په سبب د پاكستان سباٶن روښانه كول دي٬ د پاكستان تحريك انصاف حكومت د قائداعظم او علامه اقبال په نظرياتو آډانه د جديد اسلامي رياست جوړولو لپاره هڅې كوي، صوبو او وفاق له به تعليم كښې جدت لپاره په ګډه كار كول وي۔ د دې خيالاتو څرګندونه ده د جمعې په ورځ د نړيوال اسلامي پوهنتون تر سېوري لاندې د “پاكستان په سباٶن كښې د ځوانانو كردار” په سرخط تابيا شوي سېمينار ته وكړه۔ وفاقي وزير ووئيل اسلامي پوهنتون د پاكستان په تعليمي څانګه كښې مهم كردار لري، په نړۍ كښې جديدو پوهنتونونو د جديد تعليم٬ صنعت او ټېكنالوجۍ يو كولو سره د نوو معيشتونو بنياد اېښودے٬ اسټين فورډ يونيورسټۍ په امريكاكښې د 500 ټرېليونه ډالرو معيشترامخې ته كړے ، اېپل، ګوګل، واټس ايپ د اسټين فورډ يونيورسټۍ د زده كوٶنكو جوړ كړي اېپس دي، پوهنتونونو دوي له موقع وركړې چې ھغوي خپلې ټېكنالوجۍ كمرشلائز كړي۔ ده ووئيل يونيورسټيز، جديد ټيكنالوجيز او د كمرشلائزېشن تكون نړۍ بدله كړې۔ وفاقي وزير چوهدري فواد ووئيل د تعليم او د سائنس وزارتونو له پاكستان د سباٶن پرمختګ په لوري روانول دي٬ كله چې مونږ د پاكستان خپل سفر پېل كړو نو مونږ سره بس يو پوهنتون ٶ، نن په هېواد كښې 217 پوهنتونونهموجود دي۔ ده ووئيل مونږ له په پوهنتونونو كښې معياري تعليم ته پاملرنه پكار ده٬ مونږ چې كله د پوهنتون بنيادي اېږدو نو مونږ ته بايد دا معلومه وي چې پوهنتون به د هېواد په پرمختګ كښې كردار لوبوي۔ وفاقي وزير ووئيل د فېصل آباد په زرعي يونيورسټۍ كښې زبردست كار روان دے خو زمونږ كر كېله د فېصل آباد دغه پوهنتون سره دومره مربوط نه ده څومره چې پكار وه ۔ چوهدري فواد حسېن ووئيل مونږ له د پوهنتونونو مېكنزم ښه كول دي۔ ده ووئيل قائداعظم او علامه اقبال د پرمختللي او جديد پاكستان خوب ليدلے ٶ٬علامه اقبال په جديد مسلم سوچ كتاب ليكلے، ھغوي د جديد رياست آئيډياز وړاندې كړې۔ چوهدري فواد حسېن ووئيلد قائداعظم او علامه اقبال په نظريات آډانه جديد اسلامي رياست جوړول زمونږ عزم دے، وزيراعظم عمران خان اوپاكستان تحريك انصاف د علامه اقبال او قائداعظم نظريات مخ په وړاندې بوتللو له هڅې كوي۔ ده ووئيل كه د افغانستان په صورتحال نظر واچولے شي نو دا خبره عمرله نظرانداز كېږي چې د افغانستان صورتحال زمونږ په سبب نه دې راپېدا شوے۔ ده ووئيل په كال 1979 كښې يو اېس اېس آر په افغانستان قبضه كړې، امريكاپه كال 1988 كښې د افغانستان څخه ستانه شوې او اوس بيا امريكاد افغانستان څخه تللے، دا ټولې پېښې زمونږ نه په پوښتنه نه دي شوي ٬ خو د دې نتيجو سره مونږ مخ يو۔ وفاقي وزير ووئيل مونږ په افغانستان كښې يو داسې حكومت غواړو چې ورسره د افغانستان ټول ګوندونه او افغانانو مرسته شامله وي۔ چوهدري فواد حسېن ووئيل مونږ طالبان امريكې سره خبرو اترو ته اماده كړل٬ د كابل د واكمنو او طالبانو خبرې مو وكړې خو كه هلته طالبان صوبې فتح كوي نو په دې كښې پوښتنه د پاكستان څخهنه بلكې د افغانسان څخه كول پكار ده٬ امريكې او د ناټو هېوادونو په دوه زره اربه ډالره خرڅ كولو په افغانستانكښې درې لكه پوځ جوړ كړے٬ ھغه پوځ ولې خپور شو، د دې سبب دا دے چې كومه پېسه افغانستان ته وركړې شوې وه ھغه هلته نه ده لګېدلې٬نن د افغانستان د سياسي مشرانو او جرنېلانو جائيدادونه په بهر هېوادونو كښې دي، د دوي كورنۍ او بال بچ بهر مېشته دي خو افغانان د غربت ژوند كوي۔ ده ووئيل دومره پېسه وركړې شوې نو دا پېسه ولې سمه نه ده خرڅ شوې؟ چوهدري فواد حسېن ووئيل مونږ په افغانستان كښې يو داسې حكومت لپاره هڅې كوٶ چې پرې ټول ګوندونه او ډلې متفق وي،كه په افغانستان كښې جنګ وي نو مونږ ورسره هم اغيزمن كېږو، زمونږ معيشت پخپله كمزورے دے او د دې باوجود مونږ د خپلو افغانانو وروڼو ته د زړه د اخلاصه آسانۍ وركوٶ٬ مونږ د افغان كډوالو كوچنيانو له د تعليم آسانۍ وركوٶ، دا مهال د افغانستان د كركټ ټوله ډله په افغان كډوالو مشتمل ده۔ده ووئېل د افغانستان مېرمنو او نارينه استاذانوپه پاكستان كښې زده كړې كړي ، نن هم مونږ د شپږ زره سكالرشپس د لارې افغان زده كوٶنكو ته د تعليم آسانۍ وركوٶ۔ ده ووئيل نړۍ له هم په دې كښې خپل كردار لوبول پكار دي ، مونږ دومره زيات پیټے وړاندې هم پورته كړے۔ چوهدري فواد حسېن ووئيل مونږ له پاكستان په جديد خطوطو روانول دي٬ د پاكستان سباٶن په يو داسې سباٶن كښې دے چې بنياد به ئې په علم، منطق او دليلاډاڼه وي
