اسلام آباد 06 نومبر(اے پي پي) پاكستان او اېران د دوه اړخيزه تجارت حجم 5 اربه ډالرو ته د رسولو عزم څرګند كړے. د خالي په ورځ د تجارت وزارت لخوا په جاري شوې اعلاميه كښې وئيلي شوي دي چې د وزيراعظم د تجارت سلاكار عبدالرزاق داٶد په تهران كښې د شريكې تجارتي كمېټې د غونډې نه وړاندې د اېران د صنعت او تجارت وزير سيد رضا فاطمي سره ملاقات كړے. د ملاقات په مهال د دواړو هېوادونو ترمېنځه د تجارت او سرمايه كارې په چارو خبرې وشوې. په ملاقات كښې د شريكې كمېټې پرېكړې عملي كولو لپاره د عزم څرګنده هم وكړې شوه. د تجارت سلاكار عبدالرزاق داٶد ووئيل چې په دواړو هېوادونو كښې د سرمايه كارې او تجارتي اړيكو پراخا كول ضروري دي. د اېران د صنعت او تجارت وزير د پاكستان كمپنو ته په اېران كښې د سرمايه كارې كولو بلنه وركړه.
مضمون کا ماخذ : الوہا کلسٹر ادائیگی کرتا ہے۔
